Манай улсад COVID-19 халдварын анхны тохиолдол болон бүртгэгдсэн Франц улсын иргэн буюу олон нийтийн нэрлэснээр "Анх-Отгон" маргааш /2020.05.02/ Франкфуртын тусгай үүргийн онгоцоор эх орон руугаа буцахаар болжээ. Тэрбээр өнгөрсөн гуравдугаар сарын 2-нд Аэрофлотын онгоцоор Монголд ирж, COVID-19 халдварын анхны тохиолдлоор бүртгэгдсэн бөгөөд ХӨСҮТ-д 47 хоногийн турш эмчилгээ хийлгэн эдгэрч, үргэлжлүүлэн "Энхсаран" сувилалд тусгаарлагдан эмчлүүлсэн билээ.

Түүний талаар ХӨСҮТ-ийн ерөнхий захирал Д.Нямхүү “Анх эмнэлэгт маш хүнд ирсэн. Эмчилгээнд орсон үеэс дэлхий биднийг анхааралтай ажигласан. Дэлхийн аль ч оронд Монгол хүн өвдөх эрсдэл байгаа учраас франц иргэнийг эдгээж сайхан хандсаны хариуг манай иргэдэд бас барих биз ээ”  гэж байсан.