Элсэлтийн ерөнхий шалгалт 2020 оны 07 дугаар сарын 02-05-ны өдрүүдэд болно. Короновируст халдвар /Ковид-19/ цар тахлын улмаас хөл хорионы дэглэм тогтоосонтой холбогдуулан 2020 оны элсэлтийн ерөнхий шалгалтад дараах өөрчлөлтүүд орсон. Үүнд:

1.Засгийн газрын 2020 оны 04 дүгээр сарын 15-ны 139 дүгээр тогтоолын дагуу 2020-2021 оны хичээлийн жилд их, дээд сургууль, коллежид элсэгчдээс Монгол хэл бичгийн шалгалтыг авахгүй.

2. Монгол хэл, англи хэл, орос хэлний хичээлийн сонсоод ойлгох чадвар сорьсон даалгаврыг оруулахгүй зэрэг өөрчлөлтүүд орсон байгаа.

2020 онд короновируст халдвар /Ковид-19/-аас урьдчилан сэргийлэх зорилгоор УОК, ЭМЯ-аас өгч буй чиглэл, шаардлагын дагуу халдвар хамгааллын дэглэмийг сахиж, нэг анги танхимд 1.5-2.0 метрийн хоорондын зайтай байрлуулсан ширээ суудалд сууж шалгалтаа өгөх бөгөөд12-оос илүүгүй шалгуулагч хамрагдахаар зохион байгуулж нийт 85 шалгалтын байрыг бэлдэж байгаа аж. Боловсролын үнэлгээний төвөөс элсэлтийн ерөнхий шалгалтын хуваарийг батлаагүй бөгөөд зарим Facebook хуудсаар батлагдсан мэтээр хуурамч мэдээлэл тараагдаж байгаа тул шалгуулагч та бүхэн албан ёсны www.eec.mn цахим хуудснаас мэдээллээ хүлээн авахыг зөвлөж байна. Элсэлтийн ерөнхий шалгалт өгөх шалгалтын байр, анги танхим, суудлын дугаарын мэдээлэл бүхий "Суудлын хуваарь" хуудсыг энэ сарын 15-ны өдрөөс Боловсролын үнэллгээний төвийн http://www.eec.mn/ цахим хуудасны "Шалгуулагчийн булан"-нд нэвтэрч, өөрийн бүртгэлийн дугаар болон нууц үгийг ажиглан хэвлэж авах юм байна.