Монгол Улсын Их Хурлын 2020 оны ээлжит сонгуульд нэр дэвшигч нь хөрөнгө, орлогын мэдүүлгээ Авлигатай тэмцэх газар /АТГ/-ын цахим системд гаргаж бүртгүүлэх үүрэгтэй. Энэхүү үүргийн дагуу тус газар "нэр дэвшигчид хөрөнгө, орлогоо мэдүүлсэн эсэх талаарх лавлагаа"-г Сонгуулийн ерөнхий хороо /СЕХ/-нд хүргүүлсэн байна.  

Цахим системд нийт 13 нам, 4 эвсэл, бие даагч нийт 698 нэр дэвшигчийн эрхийг үүсгэснээс хуулийн хугацаа дуусахад 647 нь мэдүүлгээ баталгаажуулжээ. Харин 51 нэр дэвшигч хуулийн хугацаанд ХОМ-ээ бүртгүүлээгүй буюу нэр дэвших эрхээ хасуулсан байна.