Шинэ жилийн баярын дараа Бразилын Рио-де-Жанейро хотын Копакабана эрэгт 350 тонн гаруй хог хаягдал цугларчээ.  

Хотын эрх баригчдын мэдэгдэж байгаагаар, шинэ жилийн баярын үеэр ёслолын буудлагыг үзэж сонирхохоор эрэг орчимд 3 сая орчим хүн цугларсан бөгөөд тэдний үлдээсэн хог хаягдлыг цэвэрлэх ажилд 1200 цэвэрлэгч 91 тусгай техник хэрэгсэл ашиглан оролцсон байна.

Түүнчлэн Арпоадор, Леблон, Сан-Конраду, Барра ба Рекрейю зэрэг хотын бусад эрэгт 1700 орчим ажилтныг цэвэрлэгээний ажилд дайчилжээ. Баярын арга хэмжээ болсон газруудад цугларсан нийт хог хаягдлын хэмжээ 760 тонн давсан байна.

Копакабана дүүргийн эрэг нь шинэ жилийн баярын үеэр Бразилдаа хамгийн олон хүн цуглардаг газар аж. Энд ёслолын буудлагаас гадна өөр олон арга хэмжээ зохион байгуулагддаг байна.