Хиймэл оюуны аюулгүй ажиллагааны зааварчилгааг боловсруулахад БНХАУ чухал үүрэгтэй гэж “OpenAI” компанийн Гүйцэтгэх захирал Сэм Олтмэн Бээжингийн хиймэл оюуны академийн зөвлөгөөний үеэр дурдлаа.

"Хиймэл оюуны хүчирхэг системүүд эрчтэйгээр нэмэгдэж буй энэ үед дэлхийн дахинд хамтын ажиллагаа өмнө байгаагүйгээр их хэрэгтэй" гэж Сэм Олтмэн тодотгосон байна.

БНХАУ-д ч тэр, Цахиурын хөндийд ч тэр чадварлаг боловсон хүчин болон хөрөнгө оруулалт голлон хиймэл оюуны салбарт төвлөрч байгаа юм. Энэ нь дэлхийн хоёр том эдийн засгийн хоорондын технологийн өрсөлдөөн ширүүсэхэд нөлөөлөхөөр байна.