#Paris2024 Оюунбатын Есүгэн урт бууны 50 метрийн дасгалд 4-р байр эзэлж финалд шалгарлаа.

Парис 2024 зуны олимпын буудлагын эмэгтэйчүүдийн урт бууны 50 метрийн гурван байрлалт дасгалын урьдчилсан шатанд Оюунбатын Есүгэн цэц сорилоо.

Тус төрөлд дэлхийн шилдэг 49 тамирчин цэц сорьсноос О.Есүгэн суугаад 193, хэвтээгээс 199, босоогоос 197, нийт 60 сумнаас 589 оноо авч 4-р байр эзэллээ.

Уг төрөлд АНУ-ын тамирчин Саген Маддалена 593 оноо авч тэргүүлсэн бол Хятад, Швейцарын тамирчид удаалсан.

1. Саген Маддалена /АНУ/ - 593-45х
2. Чионгүэ Жан /Хятад/ - 593-40х
3. Чиара Леоне /Швейцар/ - 592-29х
4. Оюунбатын Есүгэн /Монгол/ - 589-40х
5. Жанет Хег Дуестад /Норвеги/ - 589-34х
6. Наталиа Кочанска /Польш/ - 589-30х
7. Надин Унгеранк /Латви/ - 589-27х
8. Стефани Лаура Скура Грундсо /Дани/ - 589-26х

Урьдчилсан дасгалд хамгийн өндөр оноо авсан найман тамирчин финалд медалийн төлөө дахин буудна.

Финалын дасгал маргааш 15:30 цагаас болно.