Сагсан бөмбөгийн "Дээд лиг"-ийн шигшээ шатны тав дахь тоглолтод "Алдар Танан Гарьд", "Хасын Хүлэгүүд"-ийг 80:69-өөр хожиж, цувралыг 3:2-оор тэргүүлж эхэллээ.
Тав дахь тоглолтод Танан Гарьд багийн П.Болортулга 19 оноо, 13 самбар, 3 хаалт толилуулж, шилдэг тоглогчоор нэрлэгдлээ. Түүнээс гадна Б.Мөнхболд энэ тоглолтод 20 оноо авч багийнхаа ялалтад үнэтэй хувь нэмэр оруулсан юм.
Хасын Хүлэгүүдээс Б.Билгүүн 25 оноо, 10 самбар гэсэн үзүүлэлттэй байсан ч баг нь аваргын хувь заяанд нөлөөлөх чухал тоглолтод ялагдал хүлээв.
Сагсан бөмбөгийн хамгийн чухал үе гэгддэг гуравдугаар хагаст Алдар Танан Гарьд 22, Хасын Хүлэгүүд ердөө 7 оноо авсан нь тавь дахь тоглолтын ялагчийг шийдсэн гэхэд хилсдэхгүй.
Цувралын зургаа дахь тоглолт 10-р сарын 28-ны 20:00 цагт Спортын төв ордонд болно. Мөн энэ өдөр 18:00 цагаас 23-Сторм болон Хан-Уул Хангарьд багууд Дээд лигийн хүрэл медалийн төлөө тоглох хуваарьтай байна.
"Алдар Танан Гарьд" аваргын цувралыг тэргүүлж эхэллээ |
2024-05-03 15:59:06
2024-05-03 15:55:46
2024-05-03 15:25:46
2024-05-03 15:23:57
2024-05-03 15:21:39
2024-05-03 13:42:11
2024-05-03 12:24:32
2024-05-03 10:59:14
2024-05-03 10:16:13
2024-05-03 10:15:43