Өнгөрсөн улиралд зодог тайлсан “Майами Хит”-ийн од тоглогч асан Дуэйн Уэйд багийнхаа анд Юдонис Хаслемтай утсаар ярих үеэрээ энэ долоо хоногоос “Орландо Мэжик”-ийн довтлогч Аарон Гордонтой видео дуудлага хийн Бүх оддын тоглолтын үеэр зохион байгуулагдсан тохолтын тэмцээний талаар ярилцах болно гэдгээ хэлжээ.

 

Чикаго хотноо энэ оны хоёрдугаар сард зохион байгуулагдсан ҮСБХ-ны Бүх оддын тоглолтын үеэр зохион байгуулдаг уламжлалт тохолтын тэмцээнийг шүүсэн таван шүүгчийн нэг нь Уэйд байсан билээ.

 

Сүүлийн шатанд шалгаран үлдэж тэнцүүхэн өрсөлдсөн Аарон Гордон болон “Майами”-гийн Деррик Жонс нарт шүүгчид ижил оноо өгсөөр хоёуланг нь ялагчаар тодруулахаар хоорондоо тохиролцсон байсан ч сүүлийн мөчид Уэйд бусдыгаа “мурьж” нэг багийнхаа андыг ялагч болгосон.