Баасан, 2024-03-29
Шадар сайд зорчигчдын ачаа барааг нь шалгах нэрээр хүнд суртал гаргахгүй байх тал дээр онцгой анхаарч ажиллахыг үүрэг болгов

Урин дулаан цаг ирж, гадаадаас ирэх зочид төлөөлөгчид, жуулчдын тоо нэмэгдэж буйтай холбоотойгоор нисэхийн гаалийн нэвтрэх чадварыг нэмэгдүүлэх, бэлтгэл ажлыг хангуулах хүрээнд Шадар сайд С.Амарсайхан “Чингис хаан” Олон улсын нисэх онгоцны буудалд ажиллалаа.

Нисэх онгоцны буудалд үдэлж буй зорчигчдод аль болох түргэн шуурхай, мэргэжлийн өндөр түвшинд үйлчлэхийн тулд хил, гааль, мэргэжлийн хяналтын ажилтан албан хаагчдын тоог нэмэгдүүлж, зорчигчдын бөөгнөрлийг багасган, шалган нэвтрүүлэх хэсэгт дараалал үүсгэхгүй байх тал дээр анхаарч, онгоцны хуваарийн ачааллыг тэнцвэржүүлэх хугацаатай үүргийг холбогдох албаныханд өглөө.

Түүнчлэн цар тахлын үед бөглүүлж байсан асуумжийг одоо ч хэвээр үргэлжлүүлж буйг зогсоохыг даалгав.

Шадар сайд энэ үеэр “Эдийн засгийн нөхцөл байдал амаргүй, иргэд аж ахуйн нэгжийн ашиг, орлого тааруу байгаа энэ үед ажил амьдрал, бизнесээ залгуулах гэсэн, аялал зугаалга, эмчилгээ, оношилгоонд явах гэсэн, яваад ирсэн зорчигчдыг удаан хүлээлгэж ачаа барааг нь шалгах нэрээр хүнд суртал гаргаж залхаахгүй байх тал дээр онцгой анхаарч ажиллах нь чухал байна. Ялангуяа хоёр жил шахам хориотой байсан аялал жуулчлалын салбар жаахан өндийж сэргэх боломж гарч байгаа энэ үед манай нисэхийнхэн дотоод зохион байгуулалтаа сайжруулах хэрэгтэй” гэсэн юм.


Шадар сайд зорчигчдын ачаа барааг нь шалгах нэрээр хүнд суртал гаргахгүй байх тал дээр онцгой анхаарч ажиллахыг үүрэг болгов
2022-05-19 08:39:12
Тухайн мэдээлэлд өгөх таны хариулт?
  • 0
  • 0
  • 0
  • 0
  • 0
  • 0
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд moment.mn хариуцлага хүлээхгүй.

Нийт сэтгэгдэл: 0
Шинэ мэдээ