“Daimler” компани 200 мянган ам.долларын “Mercedes-Maybach S-Class” загварын шинэ автомашинаа танилцууллаа.

Седан ангиллын тансаг зэрэглэлийн тус автомашин энэ оны сүүлээр зарим зах зээлд худалдаалагдаж эхэлнэ. Харин Герман улсад ирэх оны хавраас худалдаанд гарах юм. БНХАУ-д эрэлт өндөртэй “S-Class” загвараараа дамжуулан “Daimler” цэвэр ашгаа нэмэгдүүлэх бодлоготой байгаа аж.

Түүнчлэн тансаг зэрэглэлийн автомашины зах зээлд өрсөлдөөн өндөр байгаа энэ үед “S-Class” нь ихээхэн давуу байдал бий болгож байна. Учир нь “S-Class” загварын борлуулалт өрсөлдөгч “BMW”-ийн “7 Series” болон “Audi”-ийн “A8” загвараас өндөр байсаар ирсэн юм.