Лхагва, 2022-06-29
О.Есүгэн хүрэл медалийн тулаанд ялагдаж тавдугаар байр эзэллээ

Олон улсын боксын холбоо буюу "IBA"-ын эмэгтэйчүүдийн дэлхийн аварга шалгаруулах тэмцээн Туркийн Истанбул хотноо болж байгаа бөгөөд найм дахь өдрийн тулаанууд өнгөрсөн шөнө боллоо.

Өчигдөр манай хоёр боксчин рингэнд гарснаас -54 кг жинд О.Есүгэн хүрэл медалийн төлөө Тайландын Придакамон Тинтабтайтай тулалдан 3-2 харьцаагаар ялагдаж тавдугаар байр эзэллээ.

Түүний өмнөхөн -57 кг жингийн шөвгийн наймд хүрэл медалийн төлөө тулалдсан М.Намуун Энэтхэгийн Манишад 4-1 харьцаагаар ялагдаж мөн тавдугаар байр эзлээд байв.

Ингэснээр Туркийг зорьсон Монголын эмэгтэй шигшээ багийн 9 тамирчнаас хоёр нь тавдугаар байр эзэлж тэмцээнээ дуусгалаа.

Бусад тамирчид:

  • -48 кг жинд Ж.Нямсүрэн шигшээ 16-д Венесуэлийн Кадено Рохастай тулалдан 5-0 харьцаагаар ялагдаж тэмцээнээ дуусгав.
  • -50 кг жинд Б.Мөнгөнсаран эхний тулаандаа Туркийн Чакиркоглу Бусе Назд ялагдаж тэмцээнээ дуусгасан.
  • -52 кг жинд Л.Алтанцэцэг шигшээ 16-д шалгарсан Энэтхэгийн Зарин Нихаттай тулалдан 5-0 харьцаагаар ялагдаж тэмцээнээ өндөрлөв.
  • -60 кг жинд Г.Бадмаараг эхний шатанд Бразилын Беатриз Ласмин Феррейрад ялагдаж тэмцээнээ дуусгасан.
  • -63 кг жинд У.Шинэцэцэг эхний шатанд Туркийн Жизем Озерт ялагдан тэмцээнээ дуусгав.
  • -70 кг жинд Э.Эрдэнэтуяа шигшээ 16-д Польшийн Дариа Парадад ялагдаж тэмцээнээ өндөрлөв.
  • -75 кг жинд Н.Ану шигшээ 16-д Украины Каролина Махнод ялагдаж тэмцээнээ дуусгав.

О.Есүгэн хүрэл медалийн тулаанд ялагдаж тавдугаар байр эзэллээ
2022-05-17 13:40:30
Тухайн мэдээлэлд өгөх таны хариулт?
  • 0
  • 0
  • 0
  • 0
  • 0
  • 0
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд moment.mn хариуцлага хүлээхгүй.

Нийт сэтгэгдэл: 0
Шинэ мэдээ