Баасан, 2024-03-29
Месси шинэ амжилт тогтоов

“Барселона” Испанийн Ла лигийн 20-р тойргийн тоглолтод “Гранада”-г (1:0) хожиход цорын ганц гоолыг Каталоны багийн довтлогч Лионель Месси оруулсан байна.
 
Энэ гоол аргентин залуугийн 2020 онд Ла лигт оруулсан анхны гоол болжээ. Ингэснээр Месси Испанийн аварга шалгаруулах тэмцээнд 16 жил (улирал бус жил шүү) дараалан гоол оруулж буй анхны тоглогч болж байгаа юм.
 
Харин Европын топ таван лигт түүнээс олон жил дараалан гоол оруулсан гуравхан тоглогч байгаа аж. “Ювентүс”-ийн Криштиану Роналду 18 жил дараалан гоолдсон бол Италийн “Верона”-гийн Жампаоло Паццини болон Францын “Бордо” багийн довтлогч Жимми Бриан 17 жил дараалан гоолджээ.
 
Мөн энэхүү гоол нь багийн шинэ дасгалжуулагч Кике Сетьений багаа удирдан тоглуулсан анхны тоглолтод орсноороо онцлог юм.
 
Хамгийн сонирхолтой нь, Кикегийн өмнөх дасгалжуулагчид болох Луис Энрике болон Эрнесто Вальверде нарын “Барса”-гийн ахлах дасгалжуулагчаар ажилласан анхны тоглолтуудад Месси мөн л хамгийн эхний гоолыг нь оруулж байсан юм.
 

 

Эх сурвалж www.wikimon.mn


Месси шинэ амжилт тогтоов
2020-01-21 11:08:00
Тухайн мэдээлэлд өгөх таны хариулт?
  • 1
  • 0
  • 0
  • 0
  • 0
  • 0
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд moment.mn хариуцлага хүлээхгүй.

Нийт сэтгэгдэл: 0
Шинэ мэдээ