УИХ-ын чуулганы нэгдсэн хуралдаан өчигдөр /2020.10.08/ ирц бүрдэхгүй байсаар эхлэх ёстой цагаасаа 40 минут хоцорч эхэлсэн.Өчигдрийн чуулган 53.3 хувийн ирцтэйгээр дөрвөн асуудал хэлэлцээд чуулганыг өндөрлүүлсэн юм.
Харин өнөөдөр мөн л ирц бүрдэхгүй тул чуулганы нэгдсэн хуралдаан тасалдаж байна. Өчигдрийн хувьд УИХ-ын 75 гишүүний 30 гаруй нь хөдөө орон нутагт томилолтой байсан бол өнөөдрийн хувьд хотын гишүүд ч тойргийнхоо ИТХ-д нэр дэвшигчдийн сонгуулийн ажилд оролцож байна. УИХ-ын гишүүд, төрийн албан хаагчид орон нутгийн сонгуульд дайчлагдаж, төрийн ажлыг цалгардуулахыг хориглоно гэж хуульд заасан байдаг.
Энэ асуудлын талаар УИХ-ын гишүүн Н.Алтанхуяг “Ганбаатар бид хоёр ч гэсэн сонгогдсон тойрогтоо очоод ажиллавал ажиллана. Орон нутагт томилолттой гээд байгаа гишүүд чинь орон нутгийн сонгууль дээр ажиллаж байна. УИХ-ын чуулгандаа суух ёстой. Орон нутгийн сонгууль гээд солиорчихсон явж байна, ирж чуулгандаа сууж, ажлаа хийх хэрэгтэй. Ард түмнээсээ сонгогдсон бол ажлаа хийх ёстой" гэх зэргээр байр сууриа илэрхийлж байв.
УИХ-ын гишүүн Н.Алтанхуяг: Орон нутгийн сонгууль гээд солиорчихсон явж байна, ирж чуулгандаа сууж, ажлаа хийх хэрэгтэй |
|