Зэвсэгт хүчний анги салбарт удаа дараа харамсалтай үйл явдал гарсан тул Хүний эрхийн үндэсний комисстой хамтран хяналт, шалгалт хийх Ажлын хэсэг байгуулжээ. Энэ талаар ХЗДХ-ийн сайд Б.Энхбаяр "Талийгаачийн ар гэрт гүн эмгэнэл илэрхийлье. Өнөөдрийн Засгийн газрын хуралдаанаар болсон явдалтай холбоотойгоор Батлан хамгаалахын сайдын мэдээллийг сонссонУлмаар Монгол Улсын Ерөнхий сайдаас Хууль зүй, дотоод хэргийн сайдаар ахлуулсан Шуурхай ажлын хэсэг байгуулан, зэвсэгт хүчний анги салбаруудад удаа дараа харамсалтай үйл явдал болж байгаа асуудал дээр Хүний эрхийн үндэсний комиссын оролцоотойгоор хяналт шалгалт хийх, санал дүгнэлт боловсруулах, Засгийн газрын хуралдаанд оруулж шийдвэрлүүлэхийг үүрэг болгосон. Ер нь, Зэвсэгт хүчний удаа дараа болж байгаа асуудлыг урьд нь УИХ-ын Хүний эрхийн дэд хорооны хуралдаанаар 2021 онд хэлэлцэж, Тогтоол гаргаж байсан. Энэ тогтооллын хэрэгжилтийг авч үзэж, үр дүн, Зэвсэгт хүчний анги салбарууд юу хийж хэрэгжүүлсэн бэ гэдгийг салбарын хүрээнд нь авч үзэж, дүгнэлт боловсруулах шаардлагатай гэж үзэж байна” гэв.