Ерөнхий сайд, МАН-ын дарга Л.Оюун-Эрдэнэ "Удаа дараа хэрэгт холбогдон шалгагдах үндэслэл үүсгэсэн тул Ц.Анандбазар гишүүнийг 2024 оны сонгуульд нэр дэвшүүлэхгүй" гэж намынхандаа илэрхийлсэн байдаг. Мөнхүү Ц.Анандбазар гишүүнийг МАН-ын гишүүнчлэлээс түдгэлзүүлж буйгаа өмнө нь мэдэгдэж байв.

Харин  Ц.Анандбазар гишүүний хувьд өнөөг хүртэл Булган аймгийн тойрогтоо идэвхийлэн ажилласан хэвээр байгаа юм. Түүний хувьд 2020 оны УИХ-ын сонгуулиар өнөөгийн УИХ-ын дарга Г.Занданшатарын дэмжлэгтэй намаасаа мандат авч байв. Тэгвэл энэ удаа намаасаа мандат авахгүй ч бие даан нэр дэвших хувилбар дээр ажиллаж байгаа гэсэн мэдээлэл гарч эхэлжээ.