Чингэлтэй дүүргийн иргэдийн Төлөөлөгчдийн Хурлын 2020 оны 02 дугаар сарын 18-ны өдрийн 09 дүгээр тогтоолыг үндсэлэн Нийслэлийн Засаг Дарга С.Амарсайхан 2020 оны Хоёрдугаар сарын 21-ны өдрийн  Б/34 тоот захирамжаар Чингэлтэй дүүргийн Засаг дарга Ж.Эрдэнэбатыг үүрэгт ажлаас нь чөлөөлж Нийслэлийн Иргэдийн Төлөөлөгчдийн хурлын төлөөлөгч, Нийслэлийн Иргэдийн төлөөлөгчдийн хурлын Монгол Ардын намын бүлгийн дарга  Н.Батсүмбэрэлийг Чингэлтэй дүүргийн Засаг даргаар томиллоо. Н.Батсүмбэрэл нь МАН-ын Улс төрийн бодлогын газрын даргаар мөн ажиллаж байсан. Тэрээр өмнө нь 2012 онд Чингэлтэй дүүргийн Засаг даргын орлогч, 2008-2012 онд дүүргийн ИТХ-ын төлөөлөгч, тэргүүлэгчээр ажиллаж байсан бөгөөд мөн дүүргээсээ НИТХ-д 2016 онд сонгогдсон. Тиймээс Чингэлтэй дүүрэгт шинэ хүн биш юм.