Энэ сарын 7-8-ны өдрүүдэд ХБНГУ-ын Холбооны Ерөнхийлөгч Ф.В.Штайнмайэр Монгол Улсад төрийн айлчлал хийнэ. Түүний талаарх товч намтар, танилцуулгыг хүргэж байна.

Өдгөө 68 настай тэрбээр 2017 оноос хойш ХБНГУ-ын Ерөнхийлөгчийн албан тушаалыг хашиж байна. Ф.В.Штайнмайэр 1956 оны нэгдүгээр сарын 5-нд Дэтмольд хотод төрсөн. Жирийн гэр бүлээс гаралтай тэрбээр хуулийн чиглэлээр докторын зэрэг хамгаалжээ.

1975 онд Социал-демократ нам /СДН/-д элсэж, улс төрийн салбарт хүч сорьж эхэлсэн байна. Түүний улс төрийн чадварыг нээн илрүүлэхэд 1998-2005 оны хооронд канцлер байсан Герхард Шрёдер чухал үүрэг гүйцэтгэсэн гэж үздэг.

1998 онд СДН эрх баригч нам болсноос хойш Төрийн нарийн бичгийн дарга, Канцлерын хэрэг эрхлэх газрын дарга, Гадаад хэргийн сайдаар ажилласан. 2009 онд Ф.В.Штайнмайер канцлерын сонгуульд Ангела Меркельтэй өрсөлдөж, ялагдсан түүхтэй.
Ф.В.Штайнмайэр гэргийн хамт.2010 онд Штайнмайэр эхнэрийнхээ бөөрний донор болсон нь германчуудын хайр хүндэтгэлийг хүлээх томоохон шалтгаан болсон гэж болно. Тухайн үед тэрбээр уг шийдвэрээ “баатарлаг үйл” бус хийх ёстой зүйлээ л хийсэн хэмээн тайлбарлаж байв.

Тэрбээр эхнэртэйгээ хуулийн сургуульд танилцсан бөгөөд нэг охинтой. “Ухаалаг, үнэнч, аминч бус” хэмээн найз нөхөд болон хамтран ажиллагсад нь түүнийг тодорхойлдог аж.

Монгол, Герман Улсын харилцан айлчлалууд /Эх сурвалж: ГХЯ/:

Монголын талаас:

• Ерөнхийлөгч: 1995, 2000, 2012 (Төрийн), 2015 (ажлын)
• УИХ-ын дарга: 1993, 2007, 2015
• Ерөнхий сайд: 1992, 2002, 2005, 2009, 2022
• Гадаад хэргийн сайд: 1991, 1997, 1999, 2003, 2010, 2012

Германы талаас:

• Холбооны Ерөнхийлөгч: 1998, 2008, 2015
• Бундестагийн Ерөнхийлөгч: 2006
• Холбооны Канцлер: 2011, 2016 /АСЕМ/
• Холбооны Гадаад хэргийн сайд:1996, 2014, 2023

Эх сурвалж: DW