Н.Энхбаяр манлайлж, Т.Ганболд санхүү босгож хамтрах уу

МАХН-ын Ерөнхий нарийн бичгийн дарга Б.Тулга "Сонгуулийн хуулийн дагуу нам эвслүүд гуравдугаар сарын 25-ны дотор мөрийн хөтөлбөрөө аудитын байгууллагад өгөх ёстой. Үүсээд байгаа онцгой нөхцөл байдалтай холбоотойгоор энэ заалт хэвээр байх уу үгүй юу гэдэг дээр бид СЕХ-той зөвлөлдсөн. СЕХ-ноос нам, эвслүүд онлайн хэлбэрээр мөрийн хөтөлбөрөө боловсруул гэдэг зөвлөмж өгсөн. Өмнө нь МАХН болон Ногоон Нам 2020 оны сонгуульд эвсэл болж оролцохоо зарласан. Үүн дээр Иргэний Зориг Ногоон Нам нэгдэхээр болж, санамж бичигт гарын үсэг зурах гэж байна" гэжээ.

МАХН-ын дарга Н.Энхбаяр, ИЗНН-ын даргын зөвлөх, "Алтан Дорнод Монгол" ХХК-ийн захирал Т.Ганболд нарын хослол 2020 оны сонгуулийг удирдан оролцох нь тодорхой болж байна. Т.Ганболдын хувьд сонгуулийн санхүүжилтийг хариуцсан ажиллах болов уу хэмээн таамаглаж байна.

Харин ИЗНН-ын Ерөнхий нарийн бичгийн дарга С.Батбаатар “Өнгөрсөн 28 жилийн хугацаанд монголын ард түмэн туйлдаж байна.

Тиймээс МАН, АН гэдэг хоёр том хүчний эсрэг ард түмэн нэгдэхээс өөр арга алга. Цаашид нэг том хүчин болж МАНАН тогтолцооны эсрэг үйл ажиллагааг эрчимжүүлье гэж бусад намуудад уриалж байна. Ялсан намд Монголын бүх өмчийг өгдөг болчихоод байна. Үүний эсрэг бид тууштай тэмцэнэ” гэлээ.

МАХН, Ногоон Нам, ИЗНН-ын хамтран ажиллах санамж бичигт “Өнөөгийн Монгол Улсад үүсээд буй хямралыг цэгцлэхийн тулд хамтран ажиллахаар тохиролцож байна. МАХН, Ногоон Нам, ИЗНН нь цаашид Монгол Улсыг хөгжүүлэх бодлогыг хамтран боловсруулахдаа хүчирхэг бүгд найрамдах улсыг цогцлоон байгуулах, байгалийн нөөцийг ард түмний дундын, хамтын өмч болгох шинэ Үндсэн хуулийн төслийг ард нийтээр хэлэлцүүлэн батлуулах ажлыг зохион байгуулна” гэжээ.

Ийнхүү МАХН, ИЗНН-ын Ерөнхий нарийн бичгийн дарга нар хамтран ажиллах санамж бичигт гарын үсэг зурлаа.

Н.Энхбаяр манлайлж, Т.Ганболд санхүү босгож хамтрах уу

2020-03-13 18:27:36

Жиргэх Хуваалцах

Тухайн мэдээлэлд өгөх таны хариулт?

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд moment.mn хариуцлага хүлээхгүй.

Нийт сэтгэгдэл: 0

Шинэ мэдээ