УИХ-ын намрын чуулган даваа гарагт нээлтээ хийж Засгийн газраас өргөн барьсан ирэх оны Төсвийн тухай хуулийг хэлэлцэж эхэлсэн. Гэвч Ардчилсан намын зүгээс хоёр өдрийн завсарлага авснаар чуулган завсарлаад байсан бол өчигдрөөс үргэлжлэн хуралдаж эхэллээ. УИХ-ын чуулганаар Монгол Улсын 2026 оны төсвийн хүрээний мэдэгдэл, 2027-2028 оны төсвийн төсөөллийн тухай хуульд өөрчлөлт оруулах тухай хуулийн төсөл, Монгол Улсын 2026 оны төсвийн тухай, хуулийг хэлэлцлээ.

Чуулганы хуралдаанд Төсвийн тогтвортой байдлын зөвлөлөөс мэдээлэл хүргэсэн.

Чуулганы хуралдааны үеэр УИХ-ын гишүүд асуулт асууж сайд нар хариулт өгөв.

О.Алтангэрэл гишүүн:

-Сүүлийн 10 жилд Тавантолгойн бүлэг ордын орлогоор амьдарч байна. Төсвийн хүрээний мэдэгдлийг харахаар төлбөрийн тэнцэл эхний зургаан сард 462 сая ам.долларын алдагдалтай, валютын нөөц 304 сая ам.доллараар багассан байна. Энэ бол доллар өсөж, өргөн хэрэглээний бараа бүтээгдэхүүний үнэ өснө, ард түмний амьдрал улам муудна гэсэн үг.

Дэлгэрэнгүй унших линк: www.zuuniimedee.mn