Улс төрийн халуун сэдвүүд үргэлжилж, уржигдар Ардчилсан нам, Их хурлын дарга Д.Амарбаясгалан нар тус тусдаа мэдэгдэл гаргасан бол өчигдөр Ерөнхий сайд Г.Занданшатар Төрийн ордонд мэдэгдэл хийлээ. Тэрээр Хууль зүйн сайдаар УИХ-ын гишүүн Б.Энхбаярыг томилж байгаагаа хэвлэлээр мэдэгдсэн.

"Бид 2025 оны долоодугаар сарын 09-ний өдөр “Эрдэнэс Тавантолгой” ХК-д онцгой дэглэм тогтоож, хяналт шалгалтын ажлыг эхлүүлж, нүүрсний хулгайтай тэмцсэн ажлын үр дүнг та бүхэнд танилцуулж байна.

Эдийн засгаа сэргээхийн тулд нүүрсний хулгайтай тэмцэхээс бид ажлаа эхлүүлсэн. Эдийн засгаа сэргээнэ гэдэг бол нүүрсний хулгайтай тэмцэнэ гэсэн үг, нүүрсний хулгайтай тэмцэнэ гэдэг бол эдийн засгаа сэргээнэ гэсэн үг.

Намайг Ерөнхий сайдаар томилогдоход төсөв 3.3 их наяд төгрөгөөр тасрах эрсдэл үүссэн, эдийн засгийн өсөлт 2.4 хувь болж унасан байсан. Энэ нь нүүрсний үнэ буурснаас шалтгаалсан. Харин ажлаа аваад түүхэндээ анх удаа улсын төсвийг 2.2 их наядаар хэмнэсэн төсвийн тодотгол хийлээ.

Дэлгэрэнгүй унших линк: www.zuuniimedee.mn

Эх сурвалж: “Зууны мэдээ” сонин