УИХ-ын хаврын ээлжит  чуулганы нээлт өнөөдөр болно. Дэлхий дахинд дэгдсэн шинэ төрлийн коронавирустэй холбоотойгоор хаврын чуулган цахимаар хуралдахаар болоод байгаа юм. Харин өнөөдөр чуулган нээлтээ чуулганы танхимд болно. Улмаар цахим хуралдааныг дэгийг баталж байж чуулганы хуралдаанд өөрчлөлт оруулах билээ. 

 

Харин хаврын чуулганаар хэлэлцэх асуудлын дарааллыг өнгөрсөн намрын чуулганаар баталсан.  Энэ дараалалд багахан өөрчлөлт орох бөгөөд, нэн түрүүнд цахим хуралдааны дэгийг хэлэлцэж, батлах юм.

 

Хаврын чуулганы хэлэлцэх асуудлууд

 

1/Монгол Улсын нэгдсэн төсвийн 2021 оны төсвийн хүрээний мэдэгдэл, 2022-2023 оны төсвийн төсөөллийн тухай хуулийн төсөл;

 

2/“Монгол Улсын 2019 оны төсвийн гүйцэтгэл батлах тухай” Улсын Их Хурлын тогтоолын төсөл, Монгол Улсын 2019 оны нэгдсэн төсвийн гүйцэтгэл, Засгийн газрын санхүүгийн нэгтгэсэн тайлан;

 

3/Монгол Улсын эдийн засаг, нийгмийг 2019 онд хөгжүүлэх үндсэн чиглэлийн биелэлт;

 

4/“Монгол Улсын эдийн засаг, нийгмийг 2021 онд хөгжүүлэх үндсэн чиглэл батлах тухай” Улсын Их Хурлын тогтоолын төсөл;

 

5/““Алсын хараа 2050”, Монгол Улсын урт хугацааны хөгжлийн үзэл баримтлал” Улсын Их Хурлын тогтоолын төсөл;

 

6/Хөгжлийн бодлого, төлөвлөлт түүний удирдлагын тухай хуулийн шинэчилсэн найруулгын төсөл; 

 

7/Монгол Улсын Ерөнхийлөгчийн тухай хуулийн шинэчилсэн найруулгын төсөл;

 

8/Үндэсний баялгийн сангийн тухай хуулийн төсөл;

 

9/Монгол Улсын Их Хурлын тухай хуулийн шинэчилсэн найруулгын төсөл;

 

10/Монгол Улсын Их Хурлын чуулганы хуралдааны дэгийн тухай хуулийн шинэчилсэн найруулгын төсөл;

 

11/Монгол Улсын Засгийн газрын тухай хуулийн шинэчилсэн найруулгын төсөл;

 

12/Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн шинэчилсэн найруулгын төсөл;

 

13/Нийслэлийн эрх зүйн байдлын тухай хуулийн шинэчилсэн найруулгын төсөл;

 

14/Хот, тосгоны эрх зүйн байдлын тухай хуулийн шинэчилсэн найруулгын төсөл;

 

15/Улс төрийн намын тухай хуулийн шинэчилсэн найруулгын төсөл;

 

16/Улс төрийн намын санхүүжилтийн тухай хуулийн төсөл; 

 

17/“Аймаг, нийслэл, сум, дүүргийн Иргэдийн Төлөөлөгчдийн Хурлын сонгуулийг товлож, санал авах өдрийг тогтоох” тухай Улсын Их Хурлын тогтоолын төсөл;

 

18/Бусад асуудал