2016-2017 онд Ерөнхий сайдаар ажилласан, УИХ-ын гишүүн Ж.Эрдэнэбатыг эрх мэдэл, албан тушаалаа ашиглан, төрсөн дүү Ж.Эрдэнэтөгстэйгээ хамтран эзэмшдэг "Хэрх Илч" компанидаа уул уурхайн лиценз шилжүүлсэн хэргээр  АТГ-аас шалгаж буй билээ. Тэгвэл Ж.Эрдэнэбат нь огт мэдүүлэг өгөхгүй, тэр бүү хэл АТГ-аас дуудсан цагт ч ирэхгүй байгаа учир бүрэн эрхийг нь түдгэлзүүлэх хүсэлтийг АТГ-аас прокурорын байгууллагад гаргажээ. Түүнийг 2020 оны УИХ-ын сонгуульд нэр дэвшүүлэхгүй гэдэг таамаг улс төрийн хүрээнд явж байсан бөгөөд энэ батлагдаж байх шиг байна.