2020 оны УИХ-ын сонгуульд бие дааж нэр дэвших 208 хүний нэр ил боллоо. Саарал ордонд орох горилогчид дунд одоогийн УИХ-ын гишүүн С.Жавхлан, Н.Номтойбаяр нарын хоёр гишүүн байна. Нэгэн цагт Ардчилсан намын дарга явсан, ерөнхий сайд асан Н.Алтанхуяг, сайд асан С.Баярцогт, Л.Гансүх, УИХ-ын гишүүн асан Э.Бат-Үүл, Б.Дэлгэрмаа гэсэн Ардчилсан намын угшилтай хүмүүс бие дааж өрсөлдөхөөр болсон байна. УИХ-ын Тамгын Газрын Ерөнхий Нарийн бичгийн дарга асан хуульч Ц.Цолмон, Нийслэлийн даргад өрсөлдөж ялж, ялагдаж явсан С.Мөнхчулуун, "Алтандорнод Монгол" компанийн захирал Т.Ганболд, Босоо хөх монгол ТББ-ын тэргүүн, улсын харцага Г.Ганхуяг, Ерөнхийлөгчийн зөвлөх, яруу найрагч  Ц.Хулан, зөвлөх Г.Уянга Голомт банкны захирал асан Ө.Ганзориг, дуучин Нара нарын олны танил хүмүүс өрсөлдөхөд бэлэн болжээ. Сонгуулийн Ерөнхий хороонд "бие дааж" өрсөлдөхөөр материалаа хүргүүлсэн дараах хүмүүст face.mn сайтын зүгээс амжилт хүсье.