Хаа ч явсан суусан газраасаа “алт” атгаж чаддаг овсгоотой нэгэн бол яахын аргагүй АН-ын дарга С.Эрдэнэ.

Нийгмийн даатгалын ерөнхий газрын даргаар ажиллах үедээ нийгмийн даатгалын хөрөнгөөр халаасаа овоохон зузаалж амжсан сүйхээтэй нэгэн. Өнөөдөр Баянгол дүүрэг жинхэнэ утгаараа Эрдэнэ вангийн хошуу болсныг хүн бүр мэднэ. Харин одоо тэрбээр улс төрийн намыг хүртэл мөнгө үйлдвэрлэгч машин болгож болдгийг бас дахин харуулчихлаа. Тодруулбал, УИХ-ын сонгуульд нэр дэвшихийг хүсвэл 100 сая төгрөг, сонгуулийн дараа улс төрийн дэмжлэг буюу албан тушаалд очихыг хүсвэл бас л 100 сая төгрөг гэх мэтчилэн гишүүдийхээ карьерт мөнгөний босго тогтоосон. Хэвлэлд ил болсноор 180 орчим хүн нэр дэвшихээр 100 сая төгрөг тушаасан гэхээр чамгүй өндөр мөнгөн дүнгийн тооцоо гарч байна. Цаашилбал, С.Эрдэнэ дарга банк бус санхүүгийн байгууллагад өндөр хүүтэй хадгалуулсан гэх сураг ажиг ч бий.

Өмнө нь тэрбээр АН-ын дарга болоод АН дахь сонгууль албан тушаалд томлогдох гишүүдийн өгөх хураамж, дэнчингийн хэмжээг 6-25 дахин нэмэгдүүлж байсан. Ингээд бодохоор хаа явсан газраасаа “алт” атгаж чаддаг аргагүй л овсгоотой нэгэн бололтой.