УИХ дахь МАН-ын бүлгийн өнөөдрийн хуралдаанаар Засгийн газраас өргөн мэдүүлсэн Монгол Улсын 2050 он хүртэлх хөгжлийн бичиг баримт болох “Алсын хараа 2050 хөтөлбөр”-ийн талаар хэлэлцжээ. Уг асуудлаар МАН-ын бүлгийн дарга Д.Тогтохсүрэн мэдээлэл хийлээ. Тэрээр, “Сонгуулиас өмнө "Алсын хараа 2050" бодлогын баримт бичгийг батлах нь зүйтэй гэж үзсэн. УИХ-аас С.Бямбацогт гишүүнээр ахлуулсан ажлыг хэсгийг байгууллаа. Үндсэн хуулийн дараа орох том баримт бичгийг энэ парламент хэлэлцэн шийдвэрлэх ёстой гэж санал нэгдсэн” гэв. Мөн тэрбээр Сонгуулийн хуулиар нэр дэвшилт энэ сарын 10-16-ны хооронд явна. Манай намын Бага хурал 15-16-ны хооронд хуралдаж нэр дэвшигчээ эцэслэн шийдвэрлэнэ. Энэ дашрамд хэлэхэд, МАН-д хагарал гэж байхгүй. Сонгуулийн өмнө ямар ч асуудалгүй эв нэгдэлтэй байгаа гэв.