“Цензургүй яриа” нэвтрүүлэгт оролцох үеэрээ Н.Номтойбаяр УИХ-ын 2020 оны сонгуульд бие даан өрсөлдөхөө мэдэгдэж байсан. Тэрбээр Ц.Нямдоржийн өрсөлдөх тойрогт нэрээ дэвшүүлж “өш хонзон”-гоо авна гэдгээ ч нуугаагүй. 

Гэтэл түүнийг албадан ирүүлэх шүүгчийн захирамж гаргуулах хүсэлтийг прокурорын байгууллагаас шүүхэд гаргасан байна. Өөрөөр хэлбэл, Нийслэлийн прокурорын газраас Чингэлтэй дүүргийн Эрүүгийн хэргийн анхан шатны шүүхэд хандан Н.Номтойбаярыг албадан ирүүлэх шүүгчийн захирамж гаргуулах хүсэлт гаргажээ. Энэ талаар тэрбээр "Намайг сонгуульд нэр дэвшүүлэхгүй харин ч "шоглох" ажиллагаа эхэлжээ. Улс төрд орсон л бол хууль үйлчилдэггүйн тод жишээ нь би боллоо" хэмээн мэдэгдээд байна.