Өнөөдрийн /2019.12.18/ УИХ-ын чуулганаар Сонгуулийн тухай хуулийн төсөл болон хамт өргөн мэдүүлсэн хуулийн төслийн анхны хэлэлцүүлгийг хийх үеэр УИХ-ын гишүүн Т.Аюурсайхан хөөн хэлэлцэх хугацаагаар ял завшсан хүмүүсийн хэргийг буцаад хуулинд өөрчлөлт тун удахгүй оруулна гэдгийг онцоллоо. Хөөн хэлэлцэх хугацаагаар ял завшсан хүмүүсийн хэрэг хэрэгсэхгүй болж байгаа талаарх мэдээлэл нийгмийн сүлжээгээр явж иргэдийг бухимдуулаад байгаа билээ. 

 

 

 

Хөөн хэлэлцэх хугацааг дахин тоолно. Авлига,албан тушаалтны хэрэгт холбогдсон хүмүүсийг шүүхээс гэм буруутай гэж тооцсон. Гэхдээ хөөн хэлэлцэх хугацаагаар нь хэрэгсэхгүй болгосон. Тиймээс  гэм буруутай гэдэг нь тогтоогдсон хүмүүсийг нэр дэвшүүлэх ёсгүй. Зарим хүмүүс надаас айж ийм заалт орууллаа гэж байна лээ. Уучлаарай, тийм зүйл байхгүй шүү. Хэн нэгнээс айсан зүйл байхгүй. Зарчим л ярьцгаая”гэв. 

Үндсэндээ бол одоогийн Эрүүгийн хуульд хөөн хэлэлцэх хугацааны талаарх зохицуулалт энэ хэвээр байвал зохион байгулалттай,онц ноцтой,нийгэмд хор хөнөөл ихтэй гэмт хэргүүдийг илрүүлэх, гүйцэт шалган нотлох,шүүхээр шийдвэрлэн ял шийтгэл оногдуулах цаг хугацааны ямар ч боломж үлдэхгүй. Тиймээс хөөн хэлэлцэх хугацаагаар ял завшсан авлига албан тушаалтнуудын хэргүүдийг дахин шалгах нь шударга зарчим юм. Ямартай ч УИХ-ын гишүүн асан  Б.Гарамгайбаатар, сайд асан Фортуна Н.Батбаяр гэх мэт олон хүмүүсийн ял завшсан хэргүүд дахин хөндөгдөх болж байна.