Сүхбаатар дүүргийн Эрүүгийн хэргийн анхан шатны шүүх УИХ-ын гишүүн Ж.Эрдэнэбатыг, Баянзүрх дүүргийн Эрүүгийн хэргийн анхан шатны шүүх УИХ-ын гишүүн Г.Солтаныг албдан ирүүлэх захирамж гаргажээ. Тодруулбал, Нийслэлийн прокурорын газраас яллагдагч Ж.Эрдэнэбатыг удаа дараагийн дуудах хуудсанд хүндэтгэн үзэх шалтгаангүйгээр хүрэлцэн ирээгүй гэх үндэслэлээр “Албадан ирүүлэх тухай” шүүгчийн захирамж гаргуулах хүсэлт ирүүлснийг Сүхбаатар дүүргийн Эрүүгийн хэргийн анхан шатны шүүх хүлээн авч хянаад 2020 оны 05 дугаар сарын 15-ны өдрийн 1072 дугаартай шүүгчийн захирамжаар ийнхүү албадан ирүүлэхээр шийдвэрлэжээ. Түүнчлэн УИХ-ын гишүүн Г.Солтаныг Нийслэлийн прокурорын газраас прокурорын мэдэгдэх хуудсаар дуудахад хүндэтгэн үзэх шалтгаанаар ирээгүй гэх үндэслэлээр албадан ирүүлэх хүсэлт ирүүлснийг Баянзүрх дүүргийн Эрүүгийн хэргийн анхан шатны шүүх хүлээн авч, хянаад шүүгчийн 2020 оны 5 дугаар сарын 13-ны өдрийн 1683 дугаар захирамжаар мөн албадан ирүүлэхээр шийдвэрлэжээ.