УИХ-ын чуулган, бүлэг, байнгын хороод энэ долоо хоногт хуралдсангүй.  Гишүүдийн ирц хангалтгүй байгаа гэх мэдээлэл бий. МАН-ын бүлгийн дарга Д.Тогтохсүрэн мэдээлэл өглөө.  Тэрээр  ” Энэ долоо хоногийн хувьд УИХ-ын даргын зөвлөл дээр ярилцаад чуулганы хуралдааныг хойшлуулахаар болсон. Учир нь гишүүд тойрогтоо ажиллах байна гэсэн хүсэлт гаргасан.  Энэ зун, намар тойрогтоо ажиллаж чадаагүй. Он дууссаны дараа зарим үйл ажиллагаа Сонгуулийн хуулиар хязгаарлагдаж байгаа. Тийм учраас энэ долоо хоногийн чуулганы нэгдсэн хуралдааныг хойшлуулсан. Ирэх оны нэгдүгээр сарын 2-ны пүрэв гарагаас чуулганы хуралдаан хэвийн үргэлжилнэ.