Ардчилсан нам энэ сарын 15-наас өмнө хандивынхаа 40 хувийг өгөх хугацаатай байсан бөгөөд одоогоор 110 хүн намдаа хандиваа өгөөд байгаа гэнэ. Харин УИХ дахь АН-ын зөвлөлийн долоон гишүүн хандиваа өгөөгүй байгаа юм байна. Мөнгө өгч чадахгүй, мөнгө биш бодлого өгөх хүн дэвших боломжгүй юм уу хэмээн АН хэсэг залуус хуурай агсам тавиад авсан. Олон нийт ч их хэмжээний мөнгө өгч сонгуульд дэвшихийг дэмжихгүй байгаа билээ.

Ерөнхийлөгчийн тамгын газрын дарга З.Энхболд: Би хандиваа өгөөгүй. Харин хүмүүсийг уриалж АН-д 40 саяын хандив өгүүлсэн. Эрэгтэй, эмэгтэй нийлсэн 110 хүн хандиваа өгсөн гэсэн. Хэн хэн өгсөн бэ гэдэг мэдээлэл надад байхгүй гэв. 

Харин дараагийн 30 сая төгрөгийг ирэх оны хоёрдугаар сард, үлдсэн 30 сая төгрөгийг дөрөвдүгээр сард байршуулах ёстой юм байна. Энэ нь намын аппаратын үйл ажиллагаа, сонгуулийн бэлтгэл ажил, сурталчилгаанд зарцуулагдана гэдгийг тус намын хариуцлагатай албан тушаалтнууд тайлбарлаад буй.