Хөгжлийн банкнаас 33 тэрбум төгрөгийн зээл авсан аваад хувийн бизнестээ хөрөнгө оруулалт хийсэн УИХ-ын шинэ гишүүн Г.Дамдиннямыг эгүүлэн татах хөдөлгөөн эхэлжээ. Учир нь Хөгжлийн банк бүтээн байгуулалтын зээл олгодог юм. Тиймээс зээлээ зориулалтын бусаар ашигласан, тэр тусмаа уул уурхайн салбарт хөрөнгө оруулсан нь ашиг сонирхолын зөрчил үүсгэж байна хэмээн хөдөлгөөн санаачлагч Б.Нямбаяр мэдэгдлээ. Гишүүнийг эгүүлэн татах хөдөлгөөнд 1000 гаруй залуус нэгдэж гарын үсгээ зурсан байна. Мөн уг асуудлыг хуулийн хүрээнд тавих болно гэж мэдэгдлээ. Тэрээр зөвхөн өөрийгөө л рекламдах, бизнесээ санхүүжүүлэхэд л анхаарч ирсэн хэмээн Дарханчуул сэтгэл дундуур байдаг ажээ. "Цагдаа намайг таньсангүй, би УИХ-ын гишүүн байна" хэмээн бүлт үсэрч байсан гишүүн удахгүй чихнээсээ хонх уях болтой.