Төрийн ордонд Засгийн газрын өргөтгөсөн хуралдаан эхэллээ. Энэ үеэр Нийслэлийн Засаг дарга бөгөөд Улаанбаатар хотын Захирагч Д.Сумъяабазар хотын соёлын талаар мэдээлэл өглөө.  

Тэрээр “Улаанбаатар хотын бас нэг том соёл нь хогоо ангилах, ялгах юм. Гэр хороолол болон орон сууцны айлууд энэ соёлд төдийлөн суралцаагүй байгаа. Бид өөрсдийгөө хотжих соёлд суралцсан, хотын иргэн хараахан болоогүй байна гэж бодож байна.

Олон нийтийн талбайд хүнд, хөнгөнөөр бие засах асуудал хотод нийтлэг үзэгдэл болсон байна. Хотын гудамжинд ил задгай бие засаад байхыг хүсэхгүй байна. Хотын соёл гэдэг дүрэм, стандартын хүрээнд хангагдаж хуулийн хүрээнд явна. Хотын гудамжинд ил задгай бие засаад байхыг хүсэхгүй байна. Цаашид улам бид хариуцлагатай хуулийн хүрээнд болгоно.

Мөн хөдөө орон нутгаас ирж байгаа хүмүүсийг хотжих, соёлд сурган соён гэгээрүүлэх ажлыг хийнэ. Ингэж таван үе явж байж Улаанбаатар хотын иргэн гэдэг суурь ойлголттой соёлд иргэд суралцана гэж ойлгож байгаа.

Хогоо машины цонхоор хаядаг, тамхины ишээ хаядаг ийм хүмүүст 2022 оны нэгдүгээр сарын 1-ээс хуулийн дагуу арга хэмжээ авна. Бид хуульд суурилсан стандарт , дүрэмтэй болно” гэлээ.