Хүүхдийн мөнгийг энэ оноос эхлэн нийт хүүхдийн 90 гаруй хувьд олгохоор болсон.

Ямар өрхийн хүүхдүүдэд сар бүр 100,000 олгох нь одоогоор тодорхойгүй байна. Хөдөлмөр, Нийгмийн Хамгааллын Яамнаас энэ талаар тодруулахад "Засгийн газрын энэ долоо хоногийн хуралдаанаар журмыг хэлэлцүүлж, батлуулна" хэмээсэн.

Засгийн газрын өнөөдрийн хуралдаанд уг асуудлыг оруулсан боловч хойшлуулахаар болсон тухай албаны эх сурвалж мэдээлэв. Учир нь шийдвэр гаргах түвшинд асуудал нь орж ирээгүй гэж үзжээ.

Түүнчлэн энэ долоо хоногт Засгийн газар ээлжит бусаар хуралдаж шийдвэр гаргах боломжтойг тодотгов.