Ирэх оны зургаадугаар сард УИХ-ын ээлжит сонгууль болно. Энэ удаад сонгуулиар 126 хууль тогтоогчийг сонгоно. Парламентын сонгуульд 39 тэрбум, орон нутгийн сонгуульд 32 тэрбум төгрөгийг тус тус зарцуулах тооцоог Сангийн яам гаргажээ.

2020 оны УИХ-ын сонгуульд 20.5 тэрбум, орон нутгийн сонгуульд 16 тэрбум, нийт 37.1 тэрбум төгрөг зарцуулсан. Эндээс үзэхэд сонгуулийн зардал дөрвөн жилийн дараа тус бүр хоёр дахин өсжээ.