Украин улс энэ онд багтан дэлхийн удирдагчдын дунд энх тайвны чуулга уулзалтыг зохион байгуулахаар зорьж байна хэмээн тус улсын Гадаад хэргийн дэд сайд Микола Точицкий Мальта дахь уулзалтын үеэр мэдэгджээ.

Өнгөрсөн амралтын өдрүүдээр Мальта улсад олон улсын төлөөлөгчид чуулж, Киевийн энх тайвны талаар хэлэлцсэн. Тус уулзалтад цахимаар болон биечлэн 66 улсын төлөөлөгч оролцсон байна.

Энэ үеэр цөмийн зэвсэг, хүнс, эрчим хүчний аюулгүй байдал зэрэг өнгөрсөн онд Украины Ерөнхийлөгч Володимир Зеленськийн гаргасан 10 гол зүйл сэдвийн талаар хэлэлцсэн аж.

Украины зүгээс тус уулзалтад төлөөлөгчөө илгээх хүсэлтийг БНХАУ-д тавьсан ч Хятад улс Мальтагийн уулзалтад оролцоогүй юм.

Точицкий цаашдын дээд хэмжээний уулзалтуудад Хятад болон бусад улс орныг оролцоход нээлттэй байлгах бодлого баримталж буйгаа онцолжээ.

Украины энх тайвны талаар хэлэлцэх анхны уулзалт энэ оны зургаадугаар сард Копенгагенд 15 оролцогчтойгоор зохиогдож байв. Хоёр дахь уулзалт наймдугаар сард Жиддад болж, 43 төлөөлөгч оролцсон юм. 

Эх сурвалж: Reuters