Нүүрсний гэх хэрэгт яллагдагчаар татагдсан УИХ-ын гишүүн асан Т.Аюурсайхан, “Эрдэнэс Тавантолгой” ХК-ийн захирал асан Б.Ганхуяг нарын 11 хүнд холбогдох шүүх хурал өнөөдөр /2023.10.30/ 11:00 цагаас болохоор товлогдсон.  Учир нь, есдүгээр сарын 28-ны өдөр товлогдсон шүүх хурлыг хойшлуулах хүсэлтийг яллагдагч нарын өмгөөлөгчийн зүгээс тавьсан учраас өнөөдрөөр товыг тогтоосон юм. АТГ-аас Т.Аюурсайханыг гэмт бүлэглэл байгуулсан, үндэслэлгүйгээр хөрөнгөжсөн, албан тушаалын байдлаа хэтрүүлсэн, Б.Ганхуягийг албан тушаалын байдлаа урвуулан ашигласан, үндэслэлгүйгээр хөрөнгөжсөн гэх үндэслэлээр хэргийг шалган өнгөрсөн наймдугаар сард прокурорт хэргийг шилжүүлсэн байдаг.