Засгийн газрын ээлжит хуралдаанаас гарсан шийдвэрүүдийн талаар танилцууллаа. Хуралдаанаар “Эрдэнэс таван толгой” ХК-д тогтоосон онцгой дэглэмийн хугацаанд хэрэгжүүлсэн ажлын тайлантай танилцсан бөгөөд Бүрэн эрхт төлөөлөгчийг дахин зургаан сарын хугацаатй томилох шийдвэр гарчээ.

Энэ талаар ЗГХЭГ-ын дарга Д.Амарбаясгалан "ЭТТ ХК-д бүрэн эрхт төлөөлөгч томилогдон зургаан сар ажилласан. Тэгвэл дахин зургаан сар БЭТ томилж ажиллуулах тогтоол гарлаа. Бүрэн эрхт төлөөлөгч ажиласантай холбоотой гарсан үр нөлөө, гадаад валютын нөөцийг нэмэгдүүлэхэд оруулсан хувь нэмэр зэргийг Засгийн газрын хуралдаанаар хэлэлцэж, өндрөөр үнэлсэн. Арваннэгдүгээр сарын 26-нд БЭТ-ийг дахин томилно. Энэ хугацаанд Дотоод хяналт шалгалт, аудитын газрын даргыг түр орлон гүйцэтгэгчээр тавина." гэв.