БОАЖ-ын сайд Б.Бат-Эрдэнэ дараах мэдээллийг өгөв:

-Монгол Улсын аялал жуулчлалын талаарх мэдээлэл 500 сая орчим хүнд хүрсэн, энэ онд ирсэн жуулчдын тоо 2019 оныхоос давсан түүхэн амжилттай ажиллаж байна.

Засгийн газрын өнөөдрийн хуралдаанаар олон улсын, дотоодын нислэгийг хэвээр хадгалах, "Mongolian winter" маркетингийн ажлууд хэрэгжүүлэх зэрэг өвлийн аялал жуулчлалыг хөгжүүлэхтэй холбоотой томоохон шийдвэрүүд гарлаа гэв. Монголд зочлох жилийн хүрээнд энэ оны нэгдүгээр сарын 1-нээс өнөөдрийг хүртэл 600 мянган жуулчин хүлээн авч, аялал жуулчлалын салбараас 3.4 их наяд төгрөгийн орлого оруулжээ.

55 ТЭРБУМ ТӨГРӨГИЙН ХӨНГӨЛӨЛТТЭЙ ЗЭЭЛ ОЛГОНО

Өвлийн улиралд жуулчин хүлээн авах 111 аж ахуйн нэгж бий. Үүнийг нэмэх, баазыг шинэчлэх, хөрөнгө оруулалтыг дэмжихэд 55 тэрбум төгрөгийн хөнгөлөлттэй зээл олгоно. Мөн 2024 оны улсын төсөвт 3,1 тэрбум төгрөгийн татаас суулгажээ.

Мөн Боршоо, Ханх, Цагаан нуурын боомтын цагийг уртасгах шийдвэрийг гаргалаа. Ирэх долоо хоногийн Засгийн газрын хурлаар " ӨВЛИЙН АЯЛАЛ ЖУУЛЧЛАЛ"-ийг дэмжих ажлын төлөвлөгөө, шаардлагатай төсвийг батлуулахаар боллоо.