2019 онд хамгийн олон НӨАТ-ын баримт олгосон “TOP 10” байгууллагыг тодруулж, Сангийн сайд Ч.Хүрэлбаатар өргөмжлөл гардуулан, талархал илэрхийлсэн үйл ажиллагаа өнгөрсөн баасан гарагт болж өнгөрлөө.

 

Хуулийн хүрээнд татварын тайлангаа цаг тухай бүрд нь тогтмол илгээж, татварын хуулийг хэрэгжүүлэхэд үнэтэй хувь нэмэр оруулсан бөгөөд өнгөрсөн онд хамгийн олон цахим төлбөрийн баримт хэвлэж олгосон аж ахуй нэгжээр Мобиком Корпораци  тодорсныг дуулгахад таатай байна. Мобиком Корпораци нь үүсгэн байгуулагдсанаас хойш  хоёр их наяд гаруй төгрөгийг Монгол Улсын төсөвт татвар, хураамж, төлбөрийн хэлбэрээр төвлөрүүлэн, эдийн засгийн хөгжилд өөрийн хувь нэмрээ оруулсан билээ. Үүний илрэл болж өнөөдөр 2019 онд хэрэглэгчдэд нийт 30 сая орчим буюу хамгийн олон цахим төлбөрийн баримт олгосон байгууллагаар  Мобиком Корпораци шалгарлаа.

 

Уг арга хэмжээний үеэр “Монгол Улсын ТОП компаниудын нэгийн хувьд татварын тайлангаа үнэн зөвөөр гаргаж, цаг хугацаандаа төлөн, улсын нэгдсэн төсөвт өөрийн хувь нэмрээ оруулна гэдэг бидний бизнесийн үйл ажиллагааны нэгэн чухал зорилго юм” хэмээн Мобиком Корпорацийн Ерөнхий Захирал Тацуяа Хамада онцлон хэлсэн юм.

 

Бид и-баримтыг бүх салбар, агентуудаараа олгодгоос гадна хэрэглэгч та бүхэн төлсөн баримтаа автоматаар бүртгүүлэх боломжийг бүрдүүлэн ажилладаг. Та 323 тусгай дугаарт VAT гэж бичин зай аваад ebarimt.mn-ын хэрэглэгчийн кодоо мессэжээр илгээн баримтаа автоматаар бүртгүүлээрэй.