Сургалт, хэлэлцүүлэгт Монголын хүүхдийн байгууллагад ажиллаж байсан 60 гаруй ахмадууд хот, хөдөөгөөс оролцож, хүүхдийн эрхийг хамгаалах чиглэлээр төрөөс баримталж буй бодлого үйл ажиллагаа, хууль эрх зүйн орчны шинэчлэл, Хөдөлмөрийн тухай хуулийн 43.3 дахь хэсгийн хэрэгжилтийг хангахад ахмад ажилтны оролцоо, хамтын ажиллагааны талаар нэгдсэн ойлголт, мэдээлэл авч санал солилцлоо.

 

Мөн тэд дараах сэдвийн хүрээнд сургалтад хамрагдаж, сургагч багшийн Батламж гардан авлаа.

 

- Хүүхдийн эрх ба бизнесийн зарчмууд, бизнес эрхлэгчийн үүрэг, хариуцлага, үйл ажиллагаа

- Бизнес ба Хүний эрхийн чиглэлээр баримтлах зарчмууд

- Бизнесийн харилцаанд хүүхдэд учирч болох эрсдэлийг тандан тодорхойлж, урьдчилан сэргийлэх заавар

- Хүүхэд хамгааллын бодлого, түүнийг хэрэгжүүлэх эрх зүйн орчны өөрчлөлт, шинэчлэл цахим орчны хүүхэд хамгаалал

- Хүүхдийн тэвчишгүй хөдөлмөр, бэлгийн мөлжлөгөөс урьдчилан сэргийлэх бодлого, алхмууд.

 

Энэхүү үйл ажиллагааг хүүхдийн байгууллагад ажиллаж байсан үе үеийн ахмад ажилтнууд санаачилж, Монголын хүүхдийн байгууллага, хөдөлгөөн үүсэж хөгжсөний түүхт 100 жилийн ойг угтан зохион байгуулж буй ажлын эхлэл болсноороо онцлог юм.