ШШГЕГ-аас хоригдогч Б.Ганхуягийн биеийн байдлын талаар мэдээлэл өглөө. Энэ үеэр ШШГЕГ-аас “461 дүгээр хорих ангид 800 гаруй хоригдогч хоригдож байна. Тэд нэг гал зуухнаас хоолоо идэж байгаа.  Б.Ганхуягаас их хэмжээний хүнцэл илэрсэн гэх яриа гарсан. Хүнцэл нь хүний биед зайлшгүй байх химийн элемент. Одоогийн байдлаар Б.Ганхуягийн биеийн байдал хэвийн байгаа гэдгийг албан ёсоор хэлье. 2022 оны арванхоёрдугаар сарын 7-нд цагдан хоригдсон. Тухайн үеийн жижүүр эмчийн үзлэгээр биеийн байдал нь хэвийн. Хоёр шилбэ нь харшлийн сорвитой гэдгийг тэмдэглэсэн байдаг. Б.Ганхуяг хоригдсон цагаасаа эмчийн хяналтад байгаа" гэсэн юм.