Улсын хэмжээнд 2023 онд 63.9 мянган эх амаржиж өмнөх оноос 1200 буюу 1.8 хувиар буурсан байна. Амаржсан эхчүүдийн 195 (0.3%) нь гэртээ төрсөн байна. 

2023 онд нийт 64.3 мянган хүүхэд төрсөн нь өмнөх оноос 1300 буюу 2 хувиар буурсан үзүүлэлт юм. Нийт төрсөн хүүхдийг сараар нь харахад гуравдугаар сард хамгийн их буюу 5900 хүүхэд төрсөн бол арванхоёрдугаар сард хамгийн бага буюу 4900 хүүхэд төржээ гэж ҮСХ-ноос мэдээлэв. 

Төрөлтийн сүүлийн таван жилийн мэдээллийг харвал 2019 онд 78.2 мянган хүүхэд төрсөн бол энэ үзүүлэлт жил ирэх тусам буурсаар 2023 онд хамгийн бага буюу 64.3 мянга хүрч, 13.9 мянгаар буурчээ.