Азийн сан, Монголын Үндэсний Худалдаа Аж Үйлдвэрийн Танхим болон Гэрэгэ системтэй хамтран бизнес эрхлэгч эмэгтэйчүүдийн нэгдэх, хамтдаа хөгжих талбар болсон B2B платформыг хөгжүүлж байна.

Тус платформ нь бизнес эрхлэгч эмэгтэйчүүд бизнес, бараа бүтээгдэхүүнээ сурталчлах, томоохон ААН-үүдэд нийлүүлэгч болох, орон нутгийн бизнес эрхлэгч эмэгтэйчүүдтэй холбоо тогтоох, ижил төстэй бизнес эрхлэгч эмэгтэйчүүдтэй хамтран ажиллаж нийлүүлэлтийн сүлжээ бий болгох, төрөл бүрийн сургалтад хамрагдах, менторийн үйлчилгээ авах, сэтгэлзүйн болон хувь хүний хөгжлийн сургалт, зөвлөгөө авах зэрэг олон төрлийн боломжуудыг нэгтгэсэн цахим платформ болох юм.

Хөтөлбөрийн хугацаанд төстэй бизнес эрхлэгч эмэгтэйчүүдтэйгээ хамтран нийлүүлэлтийн сүлжээ үүсгэх, бараа бүтээгдэхүүнээ цахим орчинд сурталчлан борлуулах, компани ААН-үүдийн ханган нийлүүлэгч болоход бэлтгэх сургалт, зөвлөх үйлчилгээг зохион байгууллаа гэж Монголын Үндэсний Худалдаа Аж Үйлдвэрийн Танхимаас мэдээллээ.