УИХ-ын гишүүн асан Т.Аюурсайхан, “Эрдэнэс тавантолгой” ХК-ийн гүйцэтгэх захирал асан Б.Ганхуяг нарын 11 хүнд холбогдох хэргийн шүүх хурал өнөөдөр боллоо.

“Нүүрсний” гэх хэрэгт холбогдсон УИХ-ын гишүүн Т.Аюурсайханд 3 жил, ЭТТ ХК-ын Гүйцэтгэх захирал асан Б.Ганхуягт 5 жил 9 сарын хорих ял оноолоо.

Тус хэргийн хянаж, шалгах ажлын хэсэг 2022 оны 12 дугаар сарын 05-ны өдөр байгуулагдсан. Үүнээс хойш нийт 156 хүн, 3 хуулийн этгээдийг яллагдагчаар татан, мөрдөн байцаалтын 38 хэргийг шалгажээ. Эдгээрээс 96 хүн, 2 хуулийн этгээдэд холбогдох нийт 12 хэрэгт прокурор яллах дүгнэлт үйлдэн шүүхэд шилжүүлсэн байна.

Жил дамнан шалгасан “нүүрсний” гэх хэргийг АТГ, прокурор “боож” дуусаад, эхнээс нь гэм буруугийн шүүх хуралдааныг товлон, хэлэлцсэн юм.