Япон улсаас Монгол Улсад суугаа Элчин сайд М.Игавахара “Нью Улаанбаатар Интернэйшнл Эйрпорт” ХХК-ийн гүйцэтгэх захирал Китанака Такэфумитэй уулзан, “Чингис хаан” Олон улсын нисэх буудлыг Skytrax олон улсын судалгаа үнэлгээний байгууллагаас “4 од” зэрэглэлийн үнэлгээ авсан тухай мэдээллийг хуваалцжээ.

Уг үнэлгээ нь Осака хотын Кансай, Итами нисэх онгоцны буудал, Фукуока, Франкфурт, Парис зэрэг Олон улсын нисэх онгоцны буудлуудтай ижил түвшний үнэлгээ бөгөөд нисэх буудлын үйлчилгээ нь ийнхүү өндрөөр үнэлэгджээ.

“Чингис хаан” Олон улсын нисэх буудал нь Япон Улсын хөнгөлөлттэй зээлийн тусламжтайгаар баригдаж, японы дөрвөн компани (Mitsubishi Corporation, Narita International Airport corporation, Japan Airport Terminal Co., Ltd., JALUX Inc.) болон Монголын тал хамтран ажиллуулж байгаа.