БНХАУ-д анх дэгдсэн COVID-19 халдвар цар тахлын хэмжээнд хүрснийг ДЭМБ зарласан. Халдвар Хятадад намжсан ч Европын олон оронд эрчимтэй тархаж байнаа билээ. Ийм цаг үед улс орнууд гадаад улс оронд ажиллаж, сурч, амьдарч буй иргэдээ эх оронд нь авчрах талаар эрчимтэй ажиллаж байна. Энэ цаг үед гадаад улс оронд байгаа 1000 орчим монгол иргэдийг энэ бүтэн сайн өдрөөс эхлэн эх орондоо авчрах талаар ажиллаж байгаа гэдгийг Гадаад Харилцааны сайд  Д.Цогтбаатар мэдээллээ. Иргэд олон газраас ирэх хүсэлт гаргасан. Монголын төр чадах хэмжээндээ ажиллаж байна. Хамгийн эхэнд настай, нялх хүүхэдтэй хүмүүсийг авчирна гэдгийг гадаадад байгаа иргэд маань ойлгох хэрэгтэй. Мэдээж хэрэг эх орондоо ирэх гэсэн иргэдийн тоо 1000- аас дээш байгаа. Бид дахин нислэг захиалж авчрах тал дээр анхааран ажиллах болно. Энэ бол онцгой нөхцөл гэдгийг ойлгох хэрэгтэй гэж сайд санууллаа. Гадаад улс оронд Монгол улсын 150 мянга орчим иргэн байдаг гэсэн статистик бий.