Монгол Улсын иргэн БНСУ-д халдвар авсан байж болзошгүй талаар бид мэдээлсэн. Энэ асуудлыг нягтлах зорилгоор ХӨСҮТ-өөс тодруулахад Монгол Улсын иргэн, 28 настай Б БНСУ-ын Тэгү хотод ханиадны шинж тэмдэг илэрч, дүүргийн эмнэлэгт хандаж, шинжилгээ өгөөд хоёрдугаар сарын 27-ны өдөр эерэг буюу COVID-19 илэрсэн гэсэн хариу гарсан. Тухайн эмнэлгээс вирусийн хэмжээ маш бага гэсэн тул нэг удаа дусал эмчилгээ хийгээд гэрийн хорионд байх чиглэл өгсөн байна. Ингээд 03 дугаар сарын 6, 7-нд дахин шинжилгээ өгөхөд сөрөг хариу гарсан тул эрүүл саруул болсон гэв. Халдвар аваад эдгэсэн анхын Монгол хүн болж байна.