Дэлхий нийтийг хамарсан цар тахал коронавирус олон улс оронд намжаагүй хэвээр байна. Урд хөршөөс эхэлсэн аюулт вирус өнөөдөр хойд хөршид ид дэгдэж байна. Тиймээс иргэд сонор сэрэмжээ алдахгүй, тогтмол амны хаалт зүүж, гараа угааж, онц шаардлага байхгүй бол гадуур явахгүй байхыг мэргэжлийн байгууллага зөвлөж байгаа билээ. Тэгвэл амны хаалт зориудаар зүүхгүй байгаа иргэдийг хүний эрүүл мэндэд санаатай хохирол учруулсан үндэслэлээр гэмт хэрэг хийсэнд тооцож, 150 мянган төгрөгөөр торгох арга хэмжээг авах болжээ. Энэ шийдвэрийг хэрэгжүүлэх, хяналт тавих, торгох хариуцлага тооцох эрхийг цагдаагийн алба хаагчдад олгосон байна. Иймд нийтийн тээврээр үйлчлүүлэх гэж буй бол амны хаалтаа зүүхийг сануулж байна.