Манай улсын ЭМЯ Өвөрмонголоос эрүүл мэндийн салбарын яаралтай тусламжийн эд зүйлс хүлээж авсан талаар ОХУ, Киргизстан зэрэг орнуудад мэдээлэл цацагдаад байна.  Тодруулбал, халдварын эсрэг ЭМЯ 100 мянган маск, 1000 хамгаалалтын хувцас, оношлуурын 200 хайрцаг тест зэрэг халдвартай байж болзошгүй иргэдтэй өдөр тутам ажиллаж байгаа эмч, сувилагч нарт зориулсан хангамжийн талаар мэдээллэв.

Дээрх хоёр орны цахим сайтууд манай улсыг “Халдварын нэг ч үхсэн тохиолдол байхгүй цөөн улс орнуудын нэг болж байгаа” талаар онцоллоо. Үүнийг Засгийн газар нь сайн ажиллаж, газарзүйн байршил, өргөн уудам тал нутаг, хүн амын цөөн байдалтай харьцуулан тайлбарласан мэдээ, мэдээлэл гарсан аж.

Монгол дахь БНХАУ-ын элчин сайд “Монголд халдвар авсан иргэдийн дотор өмнөд хөршөөс ирсэн тохиолдол одоогоор байхгүй байгаад баяртай байна. Мөн цаашид энэ байдлаа хадгалаад тусалж дэмжихэд бэлэн байна. Хамтдаа хичээцгээе” гэсэн үг өгүүлбэрийг мөн дурдсан байв.  

Эх сурвалж: https://akipress.com