Дэлхийн хөгжингүй улс орнууд цар тахлын улмаас хүмүүсийг халдвараас урьдчилан сэргийлэх зорилготой шинэ шийдэл, арга хэрэглэж байна. Үүний нэг жишээ Японы үйлчилгээний байгууллагууд хөлөөрөө хаалга онгойлгодог боломжийг хайж судлаад дэлгүүр, гэрийн хаалга, олон хүн цугласан газар гээд хаа сайгүй үүд хаалгыг хөлөөрөө онгойлгодог бариул хийж эхэллээ. Магадгүй энэ арга гараар дамжих эрсдлийг бууруулж, хөлөө ариутгах шинэ гарц, шийдлийг нээж болох юм. Харин барууны зарим орнуудад ариун цэврийн өрөөнд иймэрхүү бариулууд өмнө нь байдаг байсан байна. Хэрэгтэй, шаардлагатай бол манай улсад ч иймэрхүү хөлөөрөө нээдэг гогцоо хийх нь эрсдлийг бууруулахад чухал ач холбогдолтой байна.